Справу аб выбуху ў доме пад Лагойскам перадалі ў Генпракуратуру (відэа)
Абвінавачанне ў службовай халатнасці выстаўленае дваім службовым асобам — дырэктару і майстру "Лагойскрайгазу".
Ім пагражае ад 2 да 5 гадоў абмежавання ці пазбаўлення волі.
Выбух у ваенным гарадку ля вёскі Малінаўка пад Лагойскам адбыўся 8 лютага мінулага года ў выніку дэтанацыі газапаветранай сумесі. Быў цалкам разбураны пад’езд вялікага трохпавярховага дома, загінуў адзін чалавек, яшчэ 14 пацярпелі.
Тэлеканал АНТ адзначае, што следства высветліла: жыхары перад здарэннем скардзіліся на пах газу ў доме. Аднак упаўнаважаныя асобы "Лагойскрайгазу" не адрэагавалі на трывожныя паведамленні.
