Старшыня Белтэлерадыёкампаніі абяцае звольніць Дзмітрыя Баранава
Нагадаем, што менавіта выканаўчага прадзюсара тэлеканала "Беларусь 1" Баранова назвалі вінаватым у скандале вакол "Еўрафэсту".
Старшыня Белтэлерадыёкампаніі Генадзь Давыдзька ў каментары агенцтву БелаПАН заявіў, што Баранаў будзе абавязкова звольнены. Але цяпер Давыдзька чакае, пакуль да яго прыйдзе пісьмовае распараджэнне на гэты конт.
Давыдзька не выключае, што акрамя Баранава будуць звольненыя і іншыя вінаватыя супрацоўнікі Белтэлерадыёкампаніі. Кіраўнік БТ таксама паведаміў, што працягвае працаваць адмысловая камісія, якая "вызначае ступень віны ўдзельнікаў гэтых падзеяў".
Раней прадзюсар дырэкцыі музычных і забаўляльных праграм Белтэлерадыёкампаніі, прадзюсар "Еўрафэсту" Настасся Ціхановіч заявіла, што ў калектыве, які працуе над падрыхтоўкай да "Еўрабачання-2012", не вераць у віну Баранава.
