Статкевічу забаранілі ліставацца з Севярынцам
Пра гэта паведаміла жонка Мікалая Статкевіча Марына Адамовіч.
Паводле яе словаў, палітвязню перадалі капэрту ад Паўла Севярынца, дзе замест ліста ляжаў аркуш, а на ім было напісана, што ліставанне забароненае.
Сустаршыня БХД Павал Севярынец абураны: "У маіх лістах былі толькі падтрымка і словы Евангелля”.
Севярынец збіраецца абскарджваць гэтае рашэнне ў Дэпартаменце выканання пакаранняў і Генеральнай пракуратуры. Нагадаем, што раней па незразумелых прычын яму было забаронена ліставанне з актывістам БХД, палітвязнем Яўгенам Васьковічам.
