Сёння адзначаецца Міжнародны дзень адмаўлення ад палення
Нацыянальны статыстычны камітэт падрыхтаваў да яго статыстычны агляд. Атрымліваецца, што паліць кожны другі беларус і кожная дзясятая беларуска.
Як паведамляе БЕЛТА, дадзеныя выбарачнага абследавання хатніх гаспадарак па ўзроўні жыцця сведчаць пра тое, што на пачатак года доля курцоў ад агульнага насельніцтва ва ўзросце 16 гадоў і старэйшых склала па краіне 27%. Сярод мужчын доля прыхільнікаў палення — крыху больш за 50%, сярод жанчын — 10,2%.
Сярод рэгіёнаў краіны найбольшая ўдзельная вага курцоў ад агульнага насельніцтва ў Мінску — каля 29%, найменшая — у Мінскай і Гродзенскай абласцях — адпаведна 25,5% і 25,7%.
Нагадаем, з 12 да 15 лістапада ў нашай краіне праходзіць антытытунёвая кампанія “Падары сабе чыстыя лёгкія”.
Фота — bymedia.net
