Суд аштрафаваў амаль на 300 долараў за акцыю на Дзень Волі
Актывіста руху "За Свабоду" Яна Мельнікава абвінавацілі ў арганізацыі і ўдзеле ў несанкцыянаваным пікеце.
Суд Савецкага раёну сталіцы аштрафаваў яго на 2 мільёны 200 тысяч рублёў. 25 сакавіка, на ўгодкі абвяшчэння ў 1918 годзе дзяржаўнай незалежнасці Беларускай Народнай Рэспублікі, Ян Мельнікаў узняў бела-чырвона-белы сцяг і раздаваў мінакам уласныя віншаванні з Днём Волі на плошчы Якуба Коласа.
Суддзя Аксана Рэлява не задаволіла хадайніцтва актывіста, каб працэс вёўся па-беларуску, адзначае Радыё Свабода.
