Тэлефанаваць у Расію і Украіну будзе даражэй
З чацвярга, 24 траўня "Белтэлекам" павялічвае на 20% кошт міжнародных званкоў у гэтыя краіны.
Як адзначае БелаПАН, гэтае падаражанне тлумачыцца выхадам "Белтэлекама" на бясстратнасць паслуг міжнароднай тэлефоннай сувязі.
Так, з 24 траўня званок са стацыянарнага тэлефона ў Расію будзе каштаваць 1498 рублёў за хвіліну, ва Украіну — 1186 рублёў. У начны час яны будуць каштаваць, адпаведна, 996 і 791 рубель.
Папярэдні раз "Белтэлекам" павышаў тарыфы на міжнародныя званкі сёлета ў канцы лютага. Тады рост тарыфаў таксама склаў 20%.
Фота — budzdorov100let.ru
