Цэнтр прававой трансфармацыі святкуе 16-годдзе (фота)
З гэтай нагоды праваабаронцы сабралі грамадскіх дзеячоў, журналістаў і блогераў.
Сярод гасцей Цэнтра Уладзімір Мацкевіч, Яўген Ліпковіч, вядомыя праваабаронцы і іншыя. Сённяшні цэнтр прававой трансфармацыі паўстаў першага ліпеня 1994 года як незалежнае таварыства прававых даследаванняў, якое праіснавала да 2004 года.
Кіраўнік Цэнтра прававой трансфармацыі Алена Танкачова на сустрэчы распавяла пра гісторыю арганізацыі і пра летні лагер па правах чалавека для студэнтаў юрыстаў. За 6 гадоў існавання трэнінгі прайшлі 180 маладых студэнтаў, якія наведалі Еўрапейскі суд па правах чалавека. Сёлета будзе сёмы па ліку падобны летнік. У ім прымуць удзел не толькі студэнты юрфакаў, але і іншых факультэтаў. Конкурс склаў 6 чалавек на месца.
