У Беларусі выраслі продажы гарэлкі
Паводле звестак Белстата, у студзені 2012 года рэалізацыя гэтага напою ўзрасла на 7,5% у параўнанні са студзенем 2011 года.
За першы месяц года прададзена 919 тысяч дал гарэлкі, яе доля ў агульным аб’ёме спажывання алкаголю склала 51,3% (летась — 44,8%).
Рэалізацыя піва таксама ўзрасла — на 1,5% у параўнанні з мінулым годам. Сёлета ў студзені яго прадалі 2 мільёны 328,7 тысяч дал. Істотна скараціліся продажы вінаградных вінаў (на 10%), пладовых вінаў (на 32,8%), каньяку і брэндзі (на 31,5% меней, чым у студзені 2011 года), перадае БелаПАН.
