У Гродне пакажуць паштоўкі-лагатыпы беларускіх СМІ (фота)
Майстрыха Юлія Сідзіфарава зрабіла іх для ІІІ фэсту моладзевай журналістыкі “Твой Стыль”.
Паштоўкі-handmade зробленыя ў вельмі абмежаванай колькасці асобнікаў. Набыць іх можна будзе на фестывальным аўкцыёне 27 траўня.
Дарэчы, квадратныя карткі з лагатыпам Еўрарадыё аздобленыя стылёвымі сардэчкамі, джынсавымі кішэнямі з гузікамі, паведамляе сайт фэсту. Таксама на паштоўкі трапілі “Радыё Свабода”, “Наша Ніва”, “Комсомольская правда в Беларуси”, гродзенскі інфармацыйны партал “Твой Стыль”.
