У Магілёве дагэтуль судзяць за 3 ліпеня
Два апошнія суды над удзельнікамі “маўклівай акцыі” прайшлі сёння.
Кіраўніка магілёўскай філіі ТБМ Алега Дзьячкова аштрафавалі на 1 млн 50 тысяч рублёў. Суд над праваабронцам Барыс Бухелем не завершаны. Яго пратакол суд адправіў на дапрацоўку, бо дакумент быў складзены з памылкамі. Самога Бухеля да суда выпусцліл на волю.
Дарэчы, учора Бухеля і Дзьячкова пасадзілі ў ізалятар часовага ўтрымання. Яны правялі ноч за кратамі.
Нагадаем, што ў Магілёве падчас “маўклівай акцыі” затрымалі 12 чалавек. У судах ім прысуджалі папярэджанні, штрафы і адміністрацыйныя арышты.
