У Магілёве журналіста асудзілі на трое сутак арышту
Такі прысуд вынесены затрыманаму сёння карэспандэнту агенцтва БелаПАН Алесю Асіпцову.
Як распавяла Еўрарадыё жонка асуджанага Алена Асіпцова, аб рашэнні суду яна даведалася "постфактум", бо пра месцазнаходжанне мужа пасля затрымання ў міліцыі ёй нічога не паведамілі. Трое сутак адміністрацыйнага арышту Асіпцову прысудзілі за "дробнае хуліганства" — нібыта за тое, што "спраўляў малую патрэбу" ў грамадскім месцы.
