У Маскве сёння пройдзе акцыя пратэсту супраць фальсіфікацый на выбарах

Мітынг пачнецца у 14 гадзін па маскоўскім часе на Балотнай плошчы. Першапачаткова планавалася правесці яго на Рэвалюцыйнай, аднак арганізатары адмовіліся ад гэтай ідэі і скарысталіся прапанаваным уладамі варыянтам. Мяркуецца, што ўдзел у мітынгу возьме каля 30 тысяч чалавек.

Нагадаем, што ад панядзелка ў Маскве і Пецярбургу, а таксама іншых буйных гарадах Расіі адбываюцца акцыі пратэсту. Дэманстранты незадаволеныя афіцыйнымі вынікамі выбараў, паводле якіх партыя ўлады “Адзіная Расія” набрала амаль 50% галасоў на выбарах у Дзяржаўную Думу. Яны патрабуюць перагледзець вынікі выбараў, а таксама вызваліць усіх затрыманых падчас акцый пратэсту.