У нумары адной з гасцініц Германіі знайшлі 100 змей
А таксама 70 чарапах і 20 жаб, якія былі незаконна ўвезеныя ў краіну.
Тэрарыум у гасцінічным нумары знайшлі пасля таго, як адзін са служачых гатэля заўважыў на лесвіцы змяю і паведаміў пра гэта ў паліцыю.
У той жа дзень паліцыянты арыштавалі трох замежнікаў па падазрэнні ва ўвозе гэтай жывой кантрабанды. Падазраваных неўзабаве вызвалілі пасля выплаты некалькіх тысяч еўра ў якасці закладу, паведамляюць інфармагенцтвы. Выяўленыя земнаводныя і паўзуны былі змешчаныя ў заапарк Кёльна.
