У Нью-Ёрку здзейснены напад на прэм'ер-міністра Турцыі Рэджэпа Эрдагана
Інцыдэнт адбыўся ў пятніцу ў будынку ААН.
Невядомы мужчына паспрабаваў напасці на турэцкага прэм'ера падчас выступу прэзідэнта Палестынскай аўтаноміі Махмуда Абаса перад Генеральнай асамблеяй. Нападаючага спынілі ахоўнікі Эрдагана. Прэм'ер-міністр не пацярпеў, паведамляе ВВС. Дыпламаты, якія прысутнічалі пры інцыдэнце, апісваюць напад як вельмі імклівы. Матывы яго невядомыя, аднак вылучаюцца здагадкі, што напад мог быць звязаны з турэцка-курдскім канфліктам.
