У Пінскім раёне маршрутка ў лоб сутыкнулася з трактарам (фота)
Аварыя адбылася ўвечары 5 кастрычніка. У ёй пацярпелі дзевяць чалавек, трое з якіх дзеці.
Як паведамляе сайт tomin.by, маршрутнае таксі ехала з Мінска ў Пінск. У салоне знаходзілася 18 пасажыраў. Пяць чалавек з траўмамі былі дастаўлены ў лякарню, чатыром з іх аказалі медыцынскую дапамогу і адпусцілі дадому. Астатнія значных пашкоджанняў не атрымалі: ўдары і драпіны.
Кіроўца маршруткі не пацярпеў. У трактарыста — удар патылічнай вобласці, удар паяснічнай вобласці і рэзаныя раны левай шчакі і вуха.
Абставіны аварыі высвятляе ДАІ. Па папярэдняй версіі, трактар ехаў без габарытаў і кіроўца не паспеў своечасова адрэагаваць у цемры.
