У Пінску злавілі цяжарную “кішэнніцу”
Злодзейка цягам студзеня “працавала” ў пінскіх аўтобусах, паведамляе тэлеканал “Пінск”.
Цікава, што ў момант затрымання 27-гадовая жанчына знаходзілася на восьмым месяцы цяжарнасці. Міліцыянты вылічылі зламысніцу праз скрадзеныя банкаўскія карткі, з якіх яна спрабавала зняць грошы.
Як выявілася, кабета ўжо мае не адну судзімасць і ўжывае наркотыкі. За здзейсненае злачынства яе могуць на 5 год пазбавіць волі.
