У Стакгольме і Осла ўручаць Нобелеўскія прэміі
Адразу ў двух еўрапейскіх сталіцах 10 снежня, у дзень памяці Альфрэда Нобеля, пройдзе ўрачыстая цырымонія.
У вобласці фізікі прэмія будзе ўручаная двум амерыканскім і аднаму аўстралійскаму навукоўцу "за адкрыццё ўзрастання хуткасці пашырэння Сусвету", паведамляе ВВС.
Прэмію па літаратуры атрымае паэт з Швецыі Томас Транстромер, прэмію міру – тры жанчыны: прэзідэнт Ліберыі, ліберыйская праваабаронца і актывістка з Йемена. Памер прэміі - 1,49 млн долараў.
