У Светлагорску пачалі будаваць лядовы палац
Яго ўмяшчальнасць павінна скласці 500 месцаў.
Будаўніцтва лядовага палаца - гэта першы этап будаўніцтва Цэнтра гульнявых відаў спорту, паведамляе БелаПАН. Цэнтр будзе складацца з лядовага палаца, залы для гульнявых відаў спорту, басейна, гасцініцы і стаянкі.
На пабудову Цэнтра неабходна не менш 56 мільярдаў рублёў. На дадзеным этапе спонсарам выступае "Беларуснафта", якая ўжо вылучыла 4 мільярды на пачатак будаўніцтва лядовага палаца.
