У Віцебску прайшоў малебен па ахвярах Чарнобыля
У чацвер увечары некалькі дзесяткаў чалавек сабраліся на беразе Дзвіны, каб ушанаваць памяць ахвяраў Чарнобыльскай катастрофы.
У жалобнай імпрэзе ўзялі ўдзел ліквідатары аварыі, грамадскія актывісты і проста неабыякавыя людзі. На ваду Заходняй Дзвіны спусцілі жалобны вянок, пасля прайшоў малебен па ахвярах Чарнобыля. Актывісты збіралі подпісы пад патрабаваннем усталяваць і штогод адзначаць у краіне Дзень памяці чарнобыльскіх ліквідатараў.
