Украінец перавозіў праз мяжу кілаграм беларускай марганцоўкі
Мужчына схаваў яе пад вопраткай, калі вяртаўся з Беларусі на радзіму цягніком “Горны — Сарны”.
Падчас праверкі на мяжы кантрабанда была выяўлена ўкраінскімі памежнікамі, паведамляюць “Валынскія навіны”.
Усяго ў мужчыны было знойдзена 109 пакункаў перманганата калія, так званай марганцоўкі, агульнай вагай 950 грамаў. Кантрабанду канфіскавалі.
Адзначым, што перманганат калія забаронены для продажу ва ўкраінскіх аптэках.
