Валожынскі выканкам ушанаваў хутар “Шаблі” за развіццё агратурызму
Фестывальнай сядзібе Уладзіміра Шаблінскага далі ганаровую грамату ды абеліск.
Адміністрацыя Валожынскага раёна адзначыла леташнюю працу хутара “Шаблі” адмысловай узнагародай.
“У палацы культуры Валожына, ад старшыні аддзелу спорту і турызму валожынскага выканкама я атрымаў ўзнагароду “За ўнёсак у развіццё турызму і агратурызму валожынскага раёна”, — зачытвае надпіс на грамаце уладальнік сядзібы Уладзімір Шаблінскі. — “Шаблі”, праўда, напісалі з “и”, але хай так, я ўсё роўна вельмі ўсцешаны”.
З усмешкай Уладзімір дадае, што гэта першая ўзнагарода ў яго жыцці са школьных часоў. Ганаровыя абеліск ды грамата стаяць у офісе канцэртнага агенцтва “Шаблі”. Вось толькі ці з’явяцца цяпер якія-небудзь ільготы падчас арганізацыі мерапрыемстваў на тэрыторыі аграсядзібы Уладзімір не ведае, ды і асабліва на гэта не разлічвае.
Фота: ultra-music.com
