Віцэ-прэм'ер Сямашка гатовы 25 лістапада прадаць рэшту акцый "Белтрансгазу"
Беларусь пацвярджае гатовасць падпісаць з Расіяй 25 лістапада ў Маскве новы газавы кантракт на наступныя тры гады.
Тады ж плануецца падпісаць дакументы аб продажы рэшты акцый "Белтрансгазу". Пра гэта паведаміў першы намеснік прэм'ер-міністра Беларусі Уладзімір Сямашка, перадае БЕЛТА.
Першы віцэ-прэм'ер кажа, што 25 лістапада будуць падпісаныя таксама дамова пра пастаўкі газу ў Беларусь у 2012 годзе, а таксама пра тарыфы на транзіт газу праз тэрыторыю краіны.
