Выступ кандыдата ў дэпутаты замянілі на музыку з застаўкай
Апазіцыянерку адлучылі ад эфіру за слова “байкот”.
Пра гэта Еўрарадыё паведаміў кіраўнік Брэсцкай абласной арганізацыі Аб'яднанай грамадзянскай партыі Уладзімір Вуек. Паводле яго слоў, яшчэ ў аўторак у тэлерадыёкампаніі “Брэст” быў запіс выступу кандыдата ад Баранавіцкай выбарчай акругі №5 Анжалікі Камбалавай.
Пасля запісу супрацоўнікі ТРК сказалі, што ў выступе быў заклік да байкоту выбараў, а гэта "парушае выбарчае заканадаўства". Таму 29 жніўня на канале "Беларусь-2" выступ Камбалавай быў заменены на музыку з застаўкай тэлерадыёкампаніі.
Фота — bymedia.net
