Як міліцыя затрымала 126 маладых людзей у Жабінкаўскім раёне (фота, відэа)
Імпрэза праходзіла 17 лістапада ў аздараўленчым цэнтры "Арляня". Яе ўдзельнікі знаходзіліся ў стане моцнага алкагольнага ап'янення.
Было высветлена, што там прысутнічалі пераважна студэнты розных ВНУ Брэсцкай вобласці (70%).
Як паведамляе прэс-служба брэсцкай абласной міліцыі, у адным з памяшканняў знаходзіліся прыстасаванні для ўжывання наркатычных сродкаў і псіхатропных рэчываў, зробленыя з падручных сродкаў.
Міліцыя сцвярджае, што ў Брэсце існуе група маладых людзей у колькасці каля 170 чалавек, якія ладзяць "амерыканскія вечарынкі". Асаблівасцямі такога мерапрыемства з'яўляецца "закрытасць" для старонніх.
