З галадоўшчыкам Сяргеем Каваленкам сустрэўся адвакат
3 лютага абаронца наведаў актывіста Кансерватыўна-хрысціянскай партыі — БНФ у віцебскім СІЗА.
Як паведаміла БелаПАН жонка арыштаванага актывіста Алена, галадоўка працягваецца. Сяргей Каваленка выглядае горш, чым раней. Некалькі дзён у яго была тэмпература і ён утрымліваецца ў адзіночнай камеры. Па словах жанчыны, лісты ад мужа прыходзяць з вялікім спазненнем. Напрыклад, ліст, датаваны 17 студзеня, з’явіўся ў паштовай скрыні роўна праз два тыдні. Спатканні са сваякамі не дазваляюць. Пытанне аб прызначэнні даты суда павінна вырашыцца 8 лютага.
Сяргей Каваленка арыштаваны 19 снежня 2011 года і з 20 снежня трымае галадоўку на знак пратэсту супраць свайго затрымання. Актывіста абвінавачваюць ва ўхіленні ад адбывання пакарання ў выглядзе абмежавання волі.
