За 5 месяцаў кіроўцы без правоў забілі 36 чалавек, кіроўцы нападпітку ― 52
У ДАІ кажуць, што колькасць дарожна-транспартных здарэнняў па віне кіроўцаў, якія не маюць правоў, увесь час павялічваецца.
Частка людзей пазбаўляецца пасведчанняў кіроўцы за парушэнні Правіл дарожнага руху. Але большасць парушальнікаў нават не спрабавала прайсці навучанне і законна атрымаць пасведчанне кіроўцы, паведамляе БелаПАН.
А з больш як 20 тысяч нецвярозых кіроўцаў, затрыманых з пачатку 2012 года, кожны дзясяты трапіўся паўторна. І гэта нягледзячы на тое, што за гэта прадугледжаная крымінальная адказнасць! Пакаранне можа скласці да 2 гадоў пазбаўлення волі.
Фота: "Народныя навіны Віцебска".
