Збітая міліцыянтамі жанчына не змагла давесці ў судзе сваю невінаватасць
Жыхарку Бярозы Галіну Кавалевіч затрымалі і збілі 13 ліпеня ў часе адной з “маўклівых акцыі”.
Пасля жанчыну судзілі і прызналі вінаватай у непадпарадкаванні супрацоўнікам міліцыі. Але не сталі прызначаць пакаранне — нібыта з-за нязначнасці правапарушэння. Спадарыня Кавалевіч прасіла адмяніць рашэнне суда Бярозаўскага раёна. Аднак абласны суд пакінуў рашэнне раённай інстанцыі без зменаў, а скаргу — без задавальнення, перадае праваабарончы цэнтр “Вясна”.
Суддзя Андрэй Лешчанка ў сваім рашэнні кіраваўся тым, што “бярозаўскаму суддзі былі больш бачны тонкасці справы”.
