Жыхар Рагачоўскага раёна кінуўся з сякерай на міліцыянтаў
Праваахоўнікам прыйшлося скарыстацца табельнай зброяй пры затрыманні мужчыны.
Нагодай для выкліку міліцыянтаў стала паведамленне аб тым, што жыхар адной з вёсак збівае сваю маці.
Калі на месца здарэння прыбылі супрацоўнікі міліцыі, 38-гадовы вясковец павёў сябе зусім неадэкватна: ён зачыніўся ў хаце і пагражаў падпаліць яе. Пры гэтым паказваў праз акно газавы балон і сякеру, пасля чаго ўвогуле накінуўся на міліцыянтаў.
На дадзены момант злачынца шпіталізаваны з “агнястрэльным раненнем верхняй часткі левага сцягна і верхняй часткі правай галёнкі”, паведамляе сайт мясцовай газеты “Свабоднае слова”.
