Рыгор Кастусёў хоча аб'яднаць апазіцыю "на грунце нацыянальных інтарэсаў"

Сваю ініцыятыву адзін з лідэраў Партыі БНФ і прэтэндэнт на кандыдата ў прэзідэнты збіраецца прэзентаваць у панядзелак. Ініцыятыву па аб'яднаньні ўсіх апазыцыйных сілаў на грунце нацыянальных інтарэсаў прэзентуе ў панядзелак 23 жніўня Рыгор Кастусёў, прэтэндэнт на кандыдата ў прэзідэнты ад Партыі БНФ, інфармуе сайт narodny.org. Падрабязнасці яе не раскрываюцца.

У інтэрв'ю "Белорусскому партизану" Кастусёў адзначыў толькі, што верагодна і няма мэты аб'яднаць усе дэмакратычныя сілы, а вось "апазіцыйныя сілы, якія базуюцца на грунце нацыянальных інтарэсаў, аб'яднаць можна". "І гэта мы зробім", — сказаў адзін з кіраўнікоў Партыі БНФ.


Фота Змітра Лукашука