Швецыя гатовая ўжыць зброю супраць меркаванай замежнай падлодкі
Пра магчымасць ужывання зброі супраць замежнай падлодкі, пошукі якой вядуцца ў тэрытарыяльных водах Швецыі, піша інтэрнэт-выданне "Лакал".
"Мы выкарыстаем зброю, калі ў гэтым будзе неабходнасць", — перадае interfax.by заяву прадстаўніка Узброеных сіл Швецыі Сверкера Ерансона.
Першапачаткова шведскія СМІ паведамлялі, што ВМС Швецыі з пятніцы вядуць пошук замежнай, як мяркуецца, расійскай падводнай лодкі ў сваіх тэрытарыяльных водах.
Праўда, міністр замежных спраў Швецыі Марго Вальстрэм не пацвердзіла звесткі аб прысутнасці замежнай падлодкі ў Балтыйскім моры ў раёне Стакгольма. Пра гэта кіраўніца шведскай дыпламатыі паведаміла журналістам у панядзелак напярэдадні пасяджэння Савета ЕС па замежных справах у Люксембургу.
На фота Узброеных сілаў Швецыі — меркаваная падлодка каля Стакгольма
