Скандал на СТБ: абгарэлую ў салярыі дзяўчыну згуляла акторка (фота, відэа)

Гісторыя мінчанкі Алены Пеліпас проста ўзарвала інтэрнэт. Нагадаем, што тэлеканал СТБ на сваім сайце размясціў сюжэт пра дзяўчыну, якая скардзілася на тое, як абгарэла ў салярыі. З недагляду адміністрацыі салярыя, паведамляе тэлеканал, за 15 хвілін дзяўчына згарэла. Перад камерай Алена Пеліпас паказвала чырвоныя рукі, згарэлы твар і заявіла, што хоча патрабаваць кампенсацыю з салярыя за сарваную паездку і сапсаваную знешнасць.

Але, як высветліла "Комсомольская правда", ролю пацярпелай дзяўчыны згуляла акторка. Алена Пеліпас перыядычна здымаецца ў розных праграмах, масоўках, эпізодах у кіно, але ўпершыню яе папрасілі згуляць такую гісторыю.

Мэнэджар кажа, што была дамова з тэлеканалам СТБ, што ў тытрах прапішуць "Алена Пеліпас, акторка", але ў сюжэце яе выдалі за пацярпелую дзяўчыну. Потым гэтую навіну перадрукаваў у сябе партал onliner.by, як і іншыя беларускія сайты. Незадаволенасць акторкі і яе мэнэджара выклікалі негатыўныя водгукі чытачоў сайта. Мэнэджар кажа, што яны прасілі прыбраць навіну альбо мадэраваць водгукі, але адміністрацыя сайта адмовілася гэта рабіць.  Цяпер Пеліпас і яе мэнэджар збіраюцца пісаць заяву ў гарадскую пракуратуру на гэты сайт за абразы ў адрас акторкі.

У прэс-службе СТБ каментаваць гісторыю не сталі.

Фота — ctv.by