СМІ: У Падмаскоўі забіты беларускі “злодзей у законе” Цімоха
Ураджэнца Гомеля Аляксандра Цімашэнку застрэлілі каля царквы ў вёсцы Знаменскае двое невядомых і зніклі на матацыкле.
Цімашэнка быў адным са старэйшых у Расіі “злодзеем у законе”, але ў канцы студзеня ён адрокся ад свайго звання.
У траўні 2011 года вядомы “злодзей у законе” Дзед Хасан, цяпер нябожчык, “каранаваў” адразу пецярых аўтарытэтаў, у тым ліку беларуса Аляксандра Кушнярова (Саша Кушнер), якога “патрыярх” прызначыў “назіральнікам” за Беларуссю. Супраць Кушнера паўсталі яго даўнія непрыяцелі — “злодзеі ў законе” беларускага паходжання Цімоха і Галей.
Апошнім часам у Беларусі на ўзроўні “назіральнікаў” ішла вайна паміж стаўленікамі Галея/Цімохі і Кушнера, інфармуе БелаПАН са спасылкай на расійскія СМІ.
