Сотавыя аператары будуць паведамляць у падатковую, хто колькі кладзе на тэлефон
Падатковая павялічыць кантроль за беларусамі / pixabay.com
Аператары мабільнай сувязі цяпер абавязаныя падаваць падатковай інспекцыі поўную версію базы даных па абанентах. Рабіць гэта трэба будзе двойчы на год — да 1 чэрвеня і 1 снежня. Адпаведныя нормы прадугледжваюцца праўкамі ў Падатковы кодэкс, якія зацвердзіў Аляксандр Лукашэнка.
Таксама мабільныя аператары цяпер абавязаныя даваць падаткавікам аддалены доступ да базы даных па абанентах.
Акрамя таго па запыце падаткавікоў сотавыя аператары абвязаныя даваць інфармацыю, на якія сумы папаўняўся рахунак абанента-фізасобы. Такія даныя змогуць запытаць за апошнія пяць гадоў.
Уся гэтая інфармацыя падаецца падаткавікам бясплатна.
