Стан двух пінчукоў, пацярпелых ад выбуху, блізкі да здавальняючага

Двое пацярпелых у Пінску падчас аварыі папраўляюцца. Лекары адзначаюць паляпшэнне стану ў абодвух. Пінчукі ляжаць ў агульным апёкавым аддзяленні мінскай лякарні хуткай дапамогі. Калі іх будуць выпісваць, пакуль невядома. Пра гэта Еўрарадыё распавёў намеснік галоўнага лекара Мінскай лякарні хуткай дапамогі Ігар Шыманскі.

Шыманскі: “Яны папраўляюцца. Іх стан ужо блізкі да здавальняючага. Пакуль не магу сказаць, калі яны будуць выпісаныя”.

Нагадаем, што яшчэ трое пацярпелых у аварыі на “Пінскдрэве” знаходзяцца ў Брэсцкай абласной лякарні.