Станіслаў Драгун прынёс перамогу "Крылам Саветаў" (відэа)
Былы мінскі дынамавец забіў адзіны гол самарскай каманды ў матчы 18-га тура расійскай футбольнай прэм'ер-лігі з "Краснадарам".
Драгун вызначыўся на 69-й хвіліне. Ягоны гол быў адзіным у матчы. Адзначым, што за "Крылы Саветаў" таксама гулялі беларускія легіянеры — брамнік Сяргей Верамко і абаронца Дзмітрый Вярхоўцаў (ён выйшаў на замену на апошніх хвілінах). За "Краснадар" увесь матч адгуляў беларус Аляксандр Мартыновіч.
2 снежня пройдзе матч "Кубань" — "Лакаматыў". Нагадаем, камандамі кіруюць беларускія спецыялісты — Віктар Ганчарэнка і Леанід Кучук.