Суд прызнаў, што актывіст апазіцыі не ўхіляўся ад прызыву, але даў яму штраф
У Пінску адбыўся суд над актывістам руху “За свабоду” Ігарам Салаўём. Адміністратыўная справа была ініцыявана пінскім ваенкаматам. Пінчука хацелі прызваць ў войска, а ён не з’явіўся ў ваенкамат па позве, бо знаходзіўся па-за межамі Беларусі. Суд прызнаў, што прызыўнік Салавей не ўхіляўся ад вайсковага прызыву. Аднак за тое што да пошуку Ігара была далучана міліцыя, яму далі штраф ў адну базавую велічыню (35 тысячаў рублёў).
