Суд вызваліў Андрэя Пачобута ад пакарання

Разгляд справы Андрэя Пачобута адбыўся 23 верасня ў судзе Ленінскага раёна Гродна. Суд прыняў рашэнне вызваліць журналіста ад пакарання.

Нагадаем, у ліпені 2011 года суд прызнаў Пачобута вінаватым па частцы 2 артыкула 376 Крымінальнага кодэкса — "Паклёп у дачыненні да прэзідэнта Рэспублікі Беларусь". Аднак, дзякуючы адтэрміноўцы, журналіст быў вызвалены з-пад варты ў зале суда.

Што праўда, у канцы чэрвеня 2012 года супраць Пачобута распачалі яшчэ адну крымінальную справу па тым жа артыкуле. Тэрміны расследавання падаўжаліся некалькі разоў, але ў выніку было прынятае рашэнне спыніць папярэдняе расследаванне “у сувязі з недаказанасцю ўдзелу абвінавачванага ў здзяйсненні злачынства”.

Нагадаем, Андрэй Пачобут жыве ў Гродна і працуе ў польскай "Gazeta Wyborcza". 

Фота: "Радыё "Свабода".