Суддзя пабіўся з футбалістамі і выдаліў палову каманды (відэа)
Вельмі гарачым атрымаўся матч чэмпіянату Кувейта па футболе — 24 кастрычніка гулялі клубы “Аль-Насар” і “Аль-Арабі”.
Цягам сустрэчы арбітр Саад аль Фадлі прызначыў пенальці ў браму “Аль-Насара” і выклікаў гэтым бурнае абурэнне ў гульцоў: яго абкружылі і пачалі тузаць. Суддзя не разгубіўся і адправіў аднаго з іх у накаўт, а іншага ўдарыў нагой. Затым аль Фадлі паказаў траім футбалістам чырвоныя карткі, а таксама выдаліў аднаго з начальнікаў “Аль-Насара”, які выказваў сваю незадаволенасць працай арбітра па выніках інцыдэнту.