Судовыя выканаўцы спрабавалі трапіць у дом Юрыя Чыжа
22 ліпеня судовыя выканаўцы спрабавалі трапіць у дом бізнесоўца Юрыя Чыжа ў пасёлку закрытага тыпу Лагожаск, піша "Народная Воля".
Яны нават выклікалі машыну МНС і папрасілі ўскрыць замок на браме, каб можна было трапіць на тэрыторыю сядзібы.
Аднак судовых выканаўцаў Цэнтральнага раёна Мінска напалохаў вялікі сабака алабай. які брахаў у двары. Супрацоўнікі МНС наадрэз адмовіліся страляць у жывёлу, якая магла накінуцца на незнаёмцаў.
Як распавядала Еўрарадыё, сёння стала вядома, што кампанію Чыжа "Трайпл" суд прызнаў банкрутам.
