Сяргей Ціханоўскі павіншаваў Святлану Ціханоўскую
Лідару дэмакратычнага руху Святлане Ціханоўскай 11 верасня споўнілася 39 гадоў. Яна пайшла ў палітыку летась, пасля таго, як не быў дапушчаны да ўдзелу ў прэзідэнцкіх выбарах яе муж, Сяргей Ціханоўскі. Ціханоўская хутка здабыла папулярнасць — падчас паездак па краіне яна збірала вялізныя мітынгі. І не дзіўна, што ў абвешчаныя ЦВК вынікі выбараў многія не паверылі, пачаліся масавыя пратэсты, а легітымнасць Аляксандра Лукашэнкі не прызнаюць шматлікія краіны свету.
Ужо больш за год Святлана Ціханоўская жыве з дзецьмі за мяжой, прадстаўляе беларускі дэмакратычны рух, здзяйсняе шматлікія паездкі, праводзіць сустрэчы, змагаецца за вызваленне беларускіх палітвязняў. Сярод іх — Сяргей Ціханоўскі, які з канца траўня 2020-га знаходзіцца за кратамі. Закрыты суд над ім праходзіць у Гомелі.
Ціханоўскі павіншаваў сваю жонку з днём нараджэння. Адвакатка Наталля Мацкевіч перадала праз Twitter ягоныя словы на выпадак, калі ліст з віншаваннямі не пройдзе цэнзуру.
Сергей Тихановский поздравил свою жену с днём рождения. На случай, если письмо не дойдёт (и даже если дойдёт) просил сказать, что более искреннего и честного человека, чем Светлана, он никогда в жизни не встречал.
— Наталья Мацкевич (@n_matskevich) September 10, 2021
