Сёння БАТЭ гуляе з "Арсеналам" у Лондане
21 лютага ў 1/16 фіналу футбольнай Лігі Еўропы ў Лондане пройдзе матч паміж БАТЭ і "Арсеналам". Гэта будзе ўжо другая сустрэча камандаў у турніры.
Тыдзень таму ў Барысаве БАТЭ сенсацыйна выйграў з лікам 1:0. Беларуская каманда мае шанцы выйсці ў наступны раўнд нават калі саступіць з мінімальным лікам — напрыклад, 1:2.
У такім разе гэта будзе першы выхад барысаўскага клуба ў 1/8 фіналу Лігі Еўропы.
Гульня пачнецца ў 20.55 паводле беларускага часу. Жывую трансляцыю пакажа тэлеканал "Беларусь 5".
