"Камандзір яго знішчаў": у Віцебску пахавалі маёра з часці ў Заслонаве
Ігар С. яшчэ быўшы старшым лейтэнантам
Сёння ў Віцебску пахавалі маёра Ігара С., якога знайшлі мёртвым у аўторак, 9 чэрвеня. Пра гэта Еўрарадыё распавяла яго жонка Аксана. Міністэрства абароны лічыць гэта суіцыдам.
Жонка Ігара бачыць праблему ў атмасферы на працы загінулага мужа:
"Мой муж быў спакойным чалавекам, ён працаваў і стараўся як мог. Але я магу сказаць, што камандзір з яго здзекаваўся і маральна яго прыніжаў, усяляк яго знішчаў. І на яго няма ўправы", — расказала Аксана.
Міністэрства абароны выказала спачуванні родным і блізкім маёра Ігара С. у сувязі з яго смерцю. "Ваеннае ведамства акажа сям'і афіцэра неабходную дапамогу", — гаворыцца на афіцыйным сайце міністэрства.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
