Таваразварот з Кітаем вырас у асноўным за кошт імпарту (інфаграфіка)
Імпарт з Кітая вырас за 15 гадоў амаль у 50 разоў, а экспарт з Беларусі — толькі ў 5 разоў.
Яшчэ ў 2000 годзе наш таваразварот з Кітаем быў роўны 183,6 млн долараў. За гэтыя 15 гадоў было некалькі візітаў лідараў абедзвюх краін, і таваразварот вырас да 3 мільярдаў долараў. Але гэты рост быў у асноўным за кошт росту імпарту з Кітая ў 50 разоў за 15 гадоў, а наш экспарт туды вырас толькі ў 5 разоў.
Пры гэтым таваразварот з Італіяй за гэтыя 15 гадоў таксама вырас у 10 разоў але раўнамерна за кошт росту і імпарту, і экспарту, хоць з гэтай краінай стасункі не такія шчыльныя, як з Кітаем.
