Тэлефонныя ашуканцы ўсё часцей прыкідваюцца начальнікамі

У развод, праз які сотні неасцярожных беларусаў ужо страцілі свае грошы, дадаўся новы элемент. Тэлефонныя махляры ўсё часцей выдаюць сябе не толькі за супрацоўнікаў банкаў ці аператараў сотавай сувязі, але і за кіраўнікоў афіцыйных ведамстваў і розных арганізацый.

Ад імя кіраўнікоў яны пішуць у месенджарах супрацоўнікам, што з імі павінен звязацца прадстаўнік правяраючага ведамства. Пра гэтую размову просяць нікому не расказваць

Пасля паведамлення ад "начальніка" з чалавекам звязваецца іншы ашуканец, які прадстаўляецца аператыўнікам з міліцыі або спецыялістам з банка. А далей схема класічная: "Вашы грошы скралі", "Нехта спрабаваў адкрыць на вас крэдыт", "Давайце ўсё перавядзем на бяспечны рахунак".

Так нядаўна страціла свае ашчаджэнні жыхарка Бабруйска. Усё пачалося з таго, што ў месенджары ёй напісаў чалавек, які назваўся дырэктарам яе школы. Ён папярэдзіў, што супрацоўнікі навучальнай установы могуць быць уцягнутыя ў злачынныя схемы, і з ёй звяжуцца.

Адразу пасля гэтага ёй патэлефанавала незнаёмка, якая прадставілася банкаўскім спецыялістам. Яна паведаміла, што нехта спрабаваў аформіць крэдыт на імя барысаўчанкі. Жанчына паверыла зламыснікам, узяла крэдыты ў трох банках і перавяла больш за 75 тысяч рублёў на іх рахункі.