“Трансформеры-4” сталі самым касавым фільмам у гісторыі Беларусі
У першы ж дзень паказу блакбастар паставіў рэкорд, сабраўшы са старту 1,5 мільярда рублёў.
Агулам за мінулыя тыдні кінастужка сабрала ўжо больш як 10 мільярдаў, што стала абсалютным рэкордам, паведамляе “Інтэрфакс”.
Фільм Майкла Бэя, які ўжо паглядзелі больш як 216 тысяч беларускіх гледачоў, пакінуў далёка ззаду такія яркія 3D-праекты, як “Аватар”, “Сталінград”, “Вій 3D”, “Малефісэнта”, “Ной” і многія іншыя.
