“Тры чарапахі”: з чым VOLSKI, J:Морс і Лукашук едуць у ЗША

Ужо 27 кастрычніка канцэртам у Нью-Ёрку легенды айчыннага року гурты VOLSKI і J:Морс распачнуць свой “Паўночнаамерыканскі тур”. Далей будуць канцэрты ў Філадэльфіі, Чыкага, Сан-Францыска і Лос-Анджэлесе. Усе пад агульнай назвай “За нашу і вашу свабоду”, бо ладзяцца ў падтрымку беларускага народа ў яго змаганні з лукашэнкаўскім рэжымам і народа ўкраінскага — у яго змаганні з расійскімі акупантамі. 
 
Якія цікавосткі рыхтуюць музыканты для прыхільнікаў сваёй творчасці? Як можна разам з Вольскім заспяваць “Трох чарапах” і ці будзе агульная песня двух гуртоў? “Беларуская нацыянальная ідэя” з аўтографамі Лявона Вольскага і Уладзіміра Пугача — такое магчыма?  На гэтыя ды іншыя пытанні адказвае лідар гурта VOLSKI Лявон Вольскі.