Туск: Будучыня Эўропы залежыць ад нас, а не ад выбараў у ЗША
Дональд Туск / Gazeta Wyborcza
Будучыня Еўропы залежыць не ад выбараў у ЗША, а ад еўрапейскіх палітыкаў, лічыць польскі прэм'ер-міністр Дональд Туск. Паводле яго слоў, эра геапалітычнага аўтсорсінгу скончылася.
Harris or Trump? Some claim that the future of Europe depends on the American elections, while it depends first and foremost on us. On condition Europe finally grows up and believes in its own strength. Whatever the outcome, the era of geopolitical outsourcing is over.
— Donald Tusk (@donaldtusk) November 2, 2024
Як адзначае Gazeta Wyborcza, пры гэтым Туск паслядоўна выступае з крытыкай рэспубліканцаў. У лютым ён асудзіў іх маруднасць у сувязі з прыняццем закона, які дазваляе перадачу чарговага пакета ваеннай дапамогі Украіне.
А ў 2016 годзе, будучы кіраўніком Еўрапейскай рады, выступіў супраць Дональда Трампа, які прэтэндаваў на фатэль прэзідэнта ЗША.
"Апошні каментар маёй жонкі: аднаго Дональда дастаткова!" — пажартаваў Туск. Праўда, амерыканскі мільярдэр тады нечакана выйграў у былой дзяржсакратаркі Хілары Клінтан.
5 лістапада Трамп зноў пазмагаецца за той жа фатэль. Цяпер толькі з былой генпракуроркай Каліфорніі Камалай Харыс.
