Туск назваў Расію "стратэгічнай праблемай Еўрасаюза"
Такую ацэнку былы польскі прэм'ер-міністр даў у інтэрв'ю Financial Times.
Экс-прэм'ер Польшчы і будучы прэзідэнт Еўрапейскага савета Дональд Туск у інтэрв'ю Financial Times назваў Расію стратэгічнай праблемай Еўрасаюза.
"Для Пуціна і для сённяшняй Расіі ЕС з'яўляецца праблемай. Мы павінны разумець, і, я думаю, мы блізкія да гэтага моманту, што Расія не з'яўляецца нашым стратэгічным партнёрам. Расія — наша стратэгічная праблема", — перадае словы Туска УНІАН.
Туск таксама пракаментаваў скандал з інтэрв'ю экс-кіраўніка МЗС Польшчы Радаслава Сікорскага выданню Political Magazine. Па словах Туска, Пуцін не рабіў яму прапановы па раздзяленні Украіны.
Фота — Reuters
