У Асіповічах у дзіцячым садку памерла дзіця
У асіповіцкім дзіцячым садку / sad12.osipovichiedu.gov.by
У Асіповічах у Магілёўскай вобласці ў дзіцячым садку № 12 памерла 2-гадовае дзіця. Падчас вячэры адбылася асфіксія — ела блінец і не змагло яго пражаваць. Следчы камітэт праводзіць праверку. Афіцыйна пра здарэнне не паведамлялася, піша "Зеркало".
Дзіця памерла ў канцы снежня мінулага года. Выхавальнікі, якія працавалі ў той дзень, загадчыца дзіцячага садка працягваюць знаходзіцца на працоўных месцах, іх не адхілялі.
"Калі вызначаць, што ёсць віна супрацоўнікаў, то, вядома, яны панясуць пакаранне, — кажуць у аддзеле адукацыі Асіповіцкага райвыканкама. — У цяперашні момант мы лічым, што іх віны няма".
