У аўторак тэмпература паветра можа панізіцца да 10 марозу, будзе моцны вецер

У аўторак, 6 снежня, амаль па ўсёй Беларусі прагназуюцца ападкі — пераважна снег, мокры снег. Магчымая слабая завіруха. У начныя гадзіны магчымы слабы галалёд, у ранішнія і дзённыя гадзіны на дарогах — галалёдзіца. Вецер будзе заходнім з пераходам на паўночны, 6-11 метраў за секунду (уначы з парывамі да 15-18 метраў за секунду, удзень — да 14 метраў). З-за моцнага ветру на заўтра аб'явілі аранжавы ўзровень небяспекі.

Што да тэмпературы паветра, то ўначы і раніцай яна складзе ад -4 да +1 градуса, а на працягу дня чакаецца паніжэнне да 5-10 градусаў ніжэй за нуль, інфармуе БЕЛТА са спасылкай на беларускіх сіноптыкаў.